Kontakt
Mald' dich när mol...
Wenn Ihr mol 'n Geburtstog habt oder gar e Hochzich oder aber aah emmende e Busraas seid un wullt emol paar Arzgebirgsgeschichten härn. Do bie iech glei doo.
Ihr müsst eehfach uubn in dann Formular mol bissl wos eitrogn un noochert guck mor mol, wos siech machn lässt.
Ihr könnt aber aah aahfoch uhm of'm Telefonhärer drick'n un do kenne mir dos geleich an Telefon beschnargn.
Wenn's epper e paar meeh Leit sei, su ewing Tontechnik hob iech aah rimstieh, dos kännt iech mietbringe un nort mach mer uns e schiene Zeit. ;-)
Iech frei miech off eich. Bis dortehie!
Glick Auf dr Löser, Rock
Copyright © 2023 All rights reserved.
Diese Website verwendet Cookies.
Bitte lesen Sie unsere Datenschutzerklärung für Details.
Verweigern
OK
Geborn bie iech aah. Am 30. März in Annebarg hob iech is Licht dr Walt drblickt. Mit Neine hob iech noochert mei erschte Gitarr off'm Sperrmüll gefundn und weil mor domols aahfoch is Zeig vun Sperrmüll noch wagnamme durft, hob iech mir e Gitarr rausgesucht. Nu hob iech geübt wie e Verrickter. Mei Mutter is ball olber wurn.
Mittlerweile bie ich ja als Musikant unnerwaangs unner dann Name "Rocco und Marc" un dos bie iech aah weiterhin. Allerdings isses mir e Herzensaahgeleegnheet, miech do drim ze kimmern, dos unnere arzgebirgsche Mundart net austirbt. Desdrwaagn laas iech alle Tog emol off dr Seit bei Facebook e arzgebirgsches Geschichtl vir. Dos kaa von mir salber sei oder wumöglich aah vun en annern Schriftsteller unnerer Mundart. Wie iech gerod Lust drzu hob. :-)
Also, ihr guten Leit, iech will eich itze net sinnlos beleegn. Guckt eich ewing üm un waar miech emmende mol buung will, dar kah dos hier.
In damm Sinne, habt noch e schiene Zeit und grüß' eich
mit en racht herzlichen Glück Auf
dr Löser, Rock